Kumpara sa nakaraang mga taon, mas dumadarami na ang nagkakaroon ng interes upang mag-aral ng ingles. Marahil ay dahil na rin ito sa dumadaming populasyon ng dayuhan na hindi nakakapagsalita ng Nihongo kung kaya naman maituturing din itong pangangailangan ng bansa. Advantage din ito sa paghahanap ng trabaho sa mga kompanyang nangangailangan ng may skills tulad nito. O kaya naman, kahit saang bansa man mag-punta, ay mapapadali ang pakikipag komunikasyon o negosasyon sa business man o tour. Ilan lamang yan sa mga posibleng dahilan kung bakit karamihan ay gustong matuto na makapagsalita ng ingles.

Kilala ang ECC school sa larangan ng pagtuturo ng ingles o eikaiwa. Mula sa mga bata hanggang sa businessmen ay nahihikayat na mag-aaral sa ECC dahil sa mataas na kalidad ng kanilang pagtuturo. At karamihan din sa mga guro ay native speakers.

Hindi lamang ingles ang itinuturo sa paaralang ito. Mayroon din silang sangay para sa Japanese Language Lesson. Ang ECC Japanese Language Institute ay mayroong sangay sa iba’t ibang lugar sa Nagoya at Tokyo. Isa ito sa kilala at respetadong paaralan para sa mga dayuhan na gustong matuto ng japanese language o ‘nihongo’. Marami na sa dating naging estudyante ng ECC ang ngayon ay matagumpay na sa kani-kanilang trabaho at propesyon.

Ayon kay ○○さん, dating estudyante sa ECC Japanese Language School, “Sa totoo lang, sobrang mahigpit ang mag-aral sa ECC. Pag nalate o kaya naman bumagsak ka sa exam, mage-extend ka sa klase ng isang oras. Mag-aaral ka mag-isa, maswerte ka na kung madami kayo kasi hindi nakakahiya at may makakasabay kang umuwi. Sa una mahirap lalo na sa mga katulad kong may part-time sa gabi na walang oras mag-aral. Pero habang tumatagal, naa-appreciate ko na yung pagiging mahigpit nila. Na kung hindi pala sila maghihigpit, hindi ako matututo at hindi ako magsisikap na mag-aral. Kaya naman malaki ang pasasalamat ko sa kanila dahil isa sila sa mga naging gabay ko upang matuto at magkaroon ng tiwala sa sarili. Nagkaroon ako ng self-confident para makahanap ng magandang trabaho. At pag tinatanong ako kung saan ako natuto ng Nihongo, proud akong sabihin na isa ang ECC sa nagturo sa akin.”

Kung nasa iyo ang passion para matuto, makakatulong ang ECC upang maabot ang objectives mo. Dahil sa learning environment na ibibigay nila sa iyo, magkakaroon ka ng motivation upang mag-aral pa ng mas maigi.