12/12/2022 OSAKA - Inaresto ng Osaka Police ang isang 53-taon gulang na lalaki dahil sa pag-abandona sa 87-taon gulang na ama at hindi pag-report na namatay na nito sa kanilang bahay. Ayon sa mga pulis, ang suspek na kinilalang si Shogo Kanaya, ay umamin sa paratang at sinabing hindi niya nireport ang pagkamatay ng ama upang makakuha pa siya ng pension na galing sa ama para mabayaran ang renta sa bahay at magamit pambili ng mga pagkain. Bandang 9:30 ng umaga noong Sabado, Disyembre 10, bumisita ang isang city employee sa bahay ng biktima upang magpakita ng eviction notice. At doon ay nadiskubre ang naaagnas na bangkay ng ama na si Kanaya kaya't dali-daling tumawag ng pulis ang staff. Ayon sa mga pulis, hindi pa isinisiwalat ni Shogo kung paano namatay ang kaniyang ama. News Source: Japan Today